للهـــوى لــذة

للهوى لذه
ضمني ... إكسر ضلوعي
ضلع...ضلع ...!!

لا تسافر بي ...

ضمني موووت ... وحياة ...!!
عطني انفاسك عطر ...
وتمتم بحرفين شوق ...
وأنت ذوقك بالهوى من جد ذوق ...
ودي أشرب ... الظمأ يجرح لهاتي ...
وسال دمي من شفاتي ...!!
يا غناتي ... مابقى بالدنيا صبر
ولا بقى بالقلب ما يقوى عليه
لمني ...
شمني ...
إنتفض مثلي وله ...
خل احس إن الهوى يحفر عروقك
خل اذوق الموت في لحظة اذوقك ...!!
حرك شفاهك شوي ... خلني اكتب قصيد


قل كلامك ...
وإن قضى حكيك أبي تكفى تعيده ...!!
ما املك
خلني اضحك على همومي دقيقة ...
للهوى لذة ... ما عرفها غير من ذاق البعاد ...
والهوى كنت احسبه كذبة عيال ...
لعن ابوه اثره حقيقة...؟!!
يابعد كل الوصل

صح فديتك ...!!

ودي افرح في دموعك ...
ودي تتنهت وتتحرك ضلوعك ...!!
انا ماصدقت وصلك ...!!
ياحلو ساعة رجوعك

مابقى عندي دموع
ومابقى عندي صبر
والسهر مل ... وتأفف ... وانكسر
والغلا والله جمر...
:


وأنت لو تدري بغلاك ... والله ما ترقد شهر ...!!
وخل أقول لك شيء...!!
يمكن إنه عند غيري شي عادي ... بس في قلبي كبير ...!!
ويمكن إنه عند غيري بس كذبة ... بس أنا عندي حقيقة
تدري وشهو ...؟!
والله اللي كوّن الكون الكبير إن غلاك أكبر شوي ...
وإنك بـ قلبي شمال...
وانك بـ عقلي خيال...
وانك بـ دمي دلال ...
وإنك بـ نبضة وريدي كل شي...!!
وإنك حروفي بـ قصيدي ...
وإنك الضحكة بـ عيدي ...!!
وإنك أغلى من الهواء

اللي وسط صدري...
وإنك أحلى من سنيني ...
وإنك أقرب من شراييني لقلبي
وإنك إحساسي وشعوري ...
وإنك الناس بـ عيوني
وإن سواليفك مطر
وإن عرق كفك عطر ...

وإني أغليك أكثر من غلا أُمك وأبوك
وإني أطرب يوم وصلك ... وأنتشي لعينك
وإني أشهق مادريت يوم في بالي يابعد قلبي تمر ...!!
هذا حبي لك فديتك ...
هذا موتي ...